مسابقات ناشر المعرفة بجامعة الملك سعود

أى استقرار اللى بتتكلموا عنه لييه كده

ولا علشان شويه مستثمرين

من يوم ماجيت ياريس بالحكم

ماعنتش بتعين ولادنا بالحكومه

انا شخصيا ماشفتش خير على ايديك

انا مش هانفقك كفايه انته مش محتاج

انا لااتبع اى تنظيم ولا اى جهه نهائيا

هاخاف منك انته واسياد البلد

طبعا انته خليت امن الدولة هما اسياد البلد

انته نجحت انك جعلت الحاكم الفعلى امن الدولة ووزير الداخليه

المدرسين لايعينوا تحت الاختبار الا بعد الموافقه الامنية

والمعلم يحول لعمل ادارى بقرار من امن الدولة

انا عمرى ماشفت حد اتهرى قفاه من امن الدولة الا المهندس احمد ماهر

اوعى تقول انك مش عارف دى مصيبه تانيه

علشان راى تعمل كده

لييه الاخ /حبيب العدلى كل حاجه بايدة

طوارىء من الشعب المسكين حرام عليك ياراجل انته وهو احنا لانستطيع ان نحمل حتى قصافة

انته لك الفخر جعلت المصريين يهجوا من البلد

اكبر نسبه بعهد سيادتك

خلاص احنا زهقنا طالما ان مجلس الشعب بيوافقك على كل حاجه

بيوافقك على بيع الغاز المصرى الى اسرائيل

اللى اولادنا واللى انته اشتركت بالحرب ضدها

من دم ولادنا

حرام كل الدنيا بتقول علينا ان احنا ماعدش فينا رجاله والفضل ليك انته وحبيب باشا العدلى

هتعمل ايه اقصى حاجه ان واحد من بتوع المتابعه الامنيه هيكتب تقرير على ورق من فلوس الشعب ويعرضه على الباشا بالمحافظة بالليل الساعه تسعه

اكمل ليك السلسله علشان تعرف مين الحاكم الفعلى
وهيعمل ايه هيحكم عليه ويعذبنى زى احمد ماهر وماله ماهو علشان احنا رضينا بيك وباللى بتعمله فينا

طبعا بنكتب لك على المدونة علشان مافيش اى قناة شرعيه الا وكدابه

تقدر تقولى انته امته اتناقشت مع الشعب من غير رقابه امنيه

متى كدا نزلت وعرفت اخبار الناس

تعتمد فقط على تقرير ظابط عظيم الجمهورية

مش من حقك انك تعمل كده

مش من حقك الزل ده كله

حرام كل مؤسسات الدولة شغلتها لحمايتك وبس حتى القوانيين عندك مجموعه موظفين لديهم قدرة عجيبه بتطويع الشعب وسجنه وسحله وضربه علىقفاه
وكله بالقانون واللى يعترض معروف اخرة

زى رضا هلال

اخرة عربيه ولا تهمه جاهزة ماهو ده قانون الطوارىء بتاعكم

هو ده بتاع اسياد البلد المسلحين بالهكلر وخلافه

اسياد البلد اللى صرفت فلوس الناس على شراء اجهزة الدعم الفنى لهم

من فلوسنا انته فاكر ان الناس هتسامحك انته ولا حبيب العدلى

ربنا فوق الكل يمهل ولايهمل

مش عارف انا باشوف بامريكا اربع رؤساء على المعاش انما احنا ماشاء الله

تقدر تقولى فين القنوات الشرعيه اللى مواطن عادى زى يتكلم فيها ويعبر عن مايريد

لاننى وغيرى ارفض اى حزب او اى قناة تتبعكم

فين حقنا فى الحياة

احسنت ياحبيب العدلى باشا اللى انته عاوزة بتعمله

الامن والحمايه لك ولكبار المستثمرين وكله بالقانون

احسنت علمتنا سياسه الجلوس فى بيوتنا

نعم احسنت
بحمايه الكبار وبالحراسات الخاصه
من فلوس الشعب بدل ماهى على حساب من يريد الحراسه

احسنت بالامن السياسى وابنى الصغير لما تثبت بالسكين فى الشارع من عيال صيع هو حد فاضى يجيب لنا حقوقنا

انته عارف انته هتعمل ايه انته والباشا اللى بياخد بدل ولاء

هتدور ازاى تخرس صوتى هذا انتم اللى فالحين فيه

مش مهم اخرس صوتى هتلاقى 80 مليون صوت

انا عارف اوى ان المواطن العادى اللى زى لايساوى ببلدة حتى تمن الورق اللى بينكتب اسمه عاليه

وادى نص الخبر من مصراوى

تمديد حالة الطوارىء في مصر لمدة عام 5/25/2008 9:13:18 AM